Kushtet dhe Rregullat e Përdorimit

Ky dokument (së bashku me referencat e tjera) përcakton kushtet e përgjithshme dhe rregullat që lidhen me përdorimin e kësaj faqeje interneti (www.blankie.me) dhe blerjen e produkteve në të. (këtu e tutje referuar si "Kushtet").

Ne ju nxisim të lexoni Kushtet, Politikën tonë të Cookies dhe Politikën tonë të Privatësisë ("Politikat e Mbrojtjes së të Dhënave") me kujdes para se të përdorni këtë faqe interneti. Kur përdorni këtë faqe interneti ose vendosni një porosi në të, ju jeni të lidhur me këto Kushte dhe Politikat tona të Mbrojtjes së të Dhënave. Nëse nuk jeni dakord me Kushtet dhe me Politikat e Mbrojtjes së të Dhënave, mos e përdorni këtë faqe interneti.

Këto kushte mund të ndryshojnë pa njoftim paraprak. Është përgjegjësia juaj t'i lexoni ato periodikisht. Nëse keni ndonjë pyetje në lidhje me Kushtet ose Politikat e Mbrojtjes së të Dhënave, mund të na kontaktoni nëpërmjet email-it në [email protected]

Produktet në këtë faqe janë nën emrin Bankie, shitja realizohet nga Softcrafter E-commerce shpk, me seli në Rr. “Kristo Luarasi”, Kompleksi “Lake Vieë”, Apartamenti 03/2, Tiranë, Shqipëri. Për informacion, mund të kontaktoni në email: [email protected]

Blerësi ka lexuar dhe është informuar për karakteristikat, çmimin, mënyrën e pagesës dhe informacionet e dorëzimit të produktit. Ai ka dhënë konfirmimin elektronik dhe pranon se informacionet personale janë të sakta dhe do të përpunohen në përputhje me Politikat e Mbrojtjes së të Dhënave.

Çmimi i produkteve dhe shërbimeve është ai që shfaqet në faqen tonë, përfshirë TVSH, përjashtuar gabimet e dukshme dhe përveçse deklarohet ndryshe. Duke bërë një porosi, pranoni këto cmime dhe kushte si një marrëveshje ligjore. Shërbimi i dorëzimit është i disponueshëm vetëm në Shqipëri dhe Kosovë.

Kur përdorni këtë faqe interneti dhe vendosni porosi përmes saj, pranoni:

i. Përdorni këtë faqe interneti për të bërë pyetje dhe vetëm porosi ligjërisht të vlefshme.

ii. Të mos bëjë asnjë porosi të rreme apo mashtruese. Nëse një porosi i këtij lloji realizohet nëpërmjet webit tonë, ne jemi të autorizuar ta anulojmë atë dhe të informojmë autoritetet kompetente.

iii. Të na jepni në mënyrë të saktë dhe të vërtetë: adresën tuaj të e-mailit, adresën postare, numrin e telefonit dhe/ose detaje të tjera kontakti.

Blerësi (Përdoruesi) është përgjegjës për mirëmbajtjen e sigurisë së fjalëkalimit që përdor. Ai nuk mund tua mundësojë fjalëkalimin një pale të tretë (përveç palëve të treja të autorizuara nga aplikuesi për të përdorur llogarinë e tij apo nga SoftCrafter E-Commerce shpk në përputhje me këtë marrëveshje) dhe është përgjegjës për çdo përdorim apo veprim në llogarinë e tij. Nëse fjalëkalimi është kompromentuar, aplikuesi duhet të ndryshojë urgjentisht fjalëkalimin.

Me përdorimin e kësaj platforme, ju pranoni dhe na lejoni të përdorim informacionin e vendosur në dispozicion nga ju për t`ju kontaktuar në lidhje me porosinë e kryer online nëse është e nevojshme.

Nëse informacioni është i mangët, ose i rreme, porosia nuk mund të procesohet.

Kur realizoni një porosi në këtë faqe interneti, deklaroni se jeni mbi moshën 18 vjeç dhe keni të drejtë ligjore për të hyrë në marrëdhënie kontraktuale.

Të gjitha porositë varen nga disponueshmëria e produkteve. Nëse një produkt nuk është në stok, mund të ofrojmë zëvendësues të njëjtës cilësi ose më të lartë. Nëse nuk pranoni, do t'ju kthejmë shumën e paguar.

Ne rezervojmë të drejtën të heqim produkte nga faqe ose të refuzojmë përpunimin e porosisë pas konfirmimit, pa mbajtur përgjegjësi për këtë. Mund të ndodhin vonesa në dërgesë për shkak të faktorëve të paparashikuar ose lokacionit të dorëzimit. Nëse nuk mund të respektojmë datën e dorëzimit, do t'ju informojmë dhe do t'ju ofrojmë mundësinë të vazhdoni me porosinë ose ta anuloni dhe të merrni rimbursimin e plotë.

Dorëzimi do të konsiderohet i përfunduar kur ju ose një palë e tretë e caktuar prej jush merrni fizikisht mallrat. Duhet mbajtur në konsideratë që dërgesat mund të mos realizohen gjatë fundjavës ose festave zyrtare, rrjedhimisht kjo periudhë nuk mund t`i shtohet kohës së dorëzimit të parashikuar.

Do të përpiqemi të dorëzojmë produktin sipas datës së përcaktuar ose brenda 30 ditëve nga konfirmimi i porosisë, përveç rasteve të papritura ose për arsye të zonës së dorëzimit. Nëse pas 30 ditësh nuk mund të dorëzojmë porosinë për arsye që nuk varen nga ne, kontrata do të ndërpritet dhe do t’ju kthehen të gjitha pagesat, përfshirë tarifat e dërgesës, brenda 14 ditësh.

Ne rezervojmë të drejtën për të hequr apo modifikuar çdo material e produkt nga ky website. Edhe pse gjithmonë do bëjmë gjithçka të mundshme për të procesuar të gjitha porositë, mund të ketë rrethana përjashtimore që na detyrojnë të refuzojmë procesimin e një porosie pasi kemi dërguar Konfirmimin e Porosisë. Ne rezervojmë të drejtën ta bëjmë këtë në çdo kohë. Rrjedhimisht nuk do të jemi përgjegjës ndaj jush ose ndaj ndonjë pale të tretë për heqjen e ndonjë produkti nga ky website, ose për heqjen ose modifikimin e ndonjë materiali ose përmbajtjeje nga website-i, ose për mosprocesimin e një porosie pasi kemi dërguar Konfirmimin e Porosisë.

Çmimi i produkteve do të jetë siç është përcaktuar në çdo moment në web, përveç në rastin e një gabimi të dukshëm. Edhe pse ne bëjmë çdo përpjekje për të siguruar që çmimet e paraqitura në faqen e internetit janë të sakta, mund të ndodhin gabime. Nëse zbulojmë një gabim në çmimin e ndonjërit nga produktet që keni porositur, ne do t’ju informojmë sa më shpejt të jetë e mundur dhe do t’ju japim mundësinë për të konfirmuar porosinë tuaj me çmimin e saktë ose për ta anuluar atë. Nëse nuk do jemi në gjendje t’ju kontaktojmë, porosia do të konsiderohet e anuluar dhe të gjitha shumat e paguara do t’ju kthehen plotësisht.

Çmimi i produkteve përfshin TVSH-në, përjashtuar tarifat e dërgesës. Kostot e dorëzimit të produktit janë përgjegjësi e blerësit, përveç nëse është deklaruar në faqen e internetit se kostot e dorëzimit do të mbulohen nga shitësi, në këtë rast ato do të përballohen nga ne.

Çmimet mund të ndryshojnë, por ndryshimet nuk do të ndikojnë në porositë për të cilat është dërguar Konfirmimi i Dërgesës. Nëse zbulojmë një gabim çmimi, do t'ju njoftojmë dhe do t'ju ofrojmë mundësinë të konfirmoni ose anuloni porosinë.

Pagesa mund të bëhet me kartë krediti/debiti (Visa, MasterCard, etj.) ose në dorëzim nëpërmjet korrierit të dërguar prej nesh. Në rastet e pagesa me bankë, kur fusni informacionin e kartës së kreditit/ debilit në një platformë online, ato të dhëna janë të kriptuara. Kriptimi është një masë sigurie që e kthen informacionin tuaj në një kod për të parandaluar ndërhyrjen e paautorizuar gjatë transmetimit përmes internetit. Në rastet e pagesave me bankë, produkti do të dërgohet pas autorizimit të pagesës. Nëse banka refuzon pagesën, porosia nuk do të përpunohet.

Për të proceduar me finalizimin e porosisë online, duhet të ndiqni hap pas hapi procedurën e blerjes online dhe të klikoni modalitetin e pagesës. Pas kësaj, do të merrni një email që konfirmon marrjen e porosisë suaj (konfirmimi i porosisë).

Porosisë suaj do t`i bashkëlidhet fatura tatimore. Në rast se përzgjidhni opsionin e pagesës me bankë dhe kjo pagesë kalon me sukses, produkti do të dorëzohet brenda tre ditëve të punës, nga momenti i konfirmimit të pagesës.

Të drejtat e autorit, markat tregtare të regjistruara dhe të drejtat e tjera të pronësisë intelektuale/ industriale mbi të gjitha materialet ose përmbajtjet e ofruara si pjesë e faqes së internetit blankie.me i përkasin gjithmonë SoftCrafter E-commerce shpk ose palëve të treta që na japin licencën për përdorimin e tyre. Ju mund ta përdorni këtë material vetëm në masën që ne ose licencuesit e tjerë autorizojmë shprehimisht. Ky përcaktim nuk ju pengon të përdorni këtë faqe interneti në masën e nevojshme për të kopjuar informacionin mbi porosinë tuaj ose detajet e kontaktit.

Ju pranoni që nuk do e keqpërdorni këtë faqe internet duke futur/ instaluar qëllimisht viruse, Trojanë ose material që sulmon, dëmton ose krijon rrezik për të dëmtuar në të ardhmen faqen. Ju pranoni që nuk do tentoni të bëni hyrje të paaturizuara në këtë faqe, serverin në të cilin është hostuar kjo faqe, ose çdo server, kompjuter ose bazë të dhënash që lidhen me këtë faqe.

Mosrespektimi i kësaj klauzole, përbën vepër penale dhe do të konsiderohet shkelje e rëndë e kësaj rregulloreje dhe të gjitha akteve të tjera në fuqi. Ne do të marrim masa për të identifikuar personin dhe do të raportojmë çdo parregullsi të evidentuar në lidhje me sa më sipër, në bashkëpunim me autoritetet kompetente. Gjithashtu, në një situatë të tillë, autorizimi për përdorimin e kësaj faqeje internet do të pezullohet menjëherë.

Nëse uebsajti ynë përban lidhje me faqe të tjera dhe materiale të palëve të treta, këto lidhje ofrohen vetëm për qëllime informacioni dhe ne nuk kemi asnjë kontroll mbi përmbajtjen e këtyre faqeve apo materialeve. Rrjedhimisht, nuk mbajmë asnjë përgjegjësi për ndonjë dëm që mund të lindë nga përdorimi i tyre. Ne zhvishemi nga përgjegjësia për dëmet që mund të vijnë në pajisjet teknologjike të cilat përdorni për të përdorur shërbimet tona, apo të dhënave, në rastet e sulmeve kibernetike, viruseve apo dëmeve të tjera, si rezultat i përdorimit të kësaj faqeje apo shkarkimeve që mund të bëni në faqe të treta ku mund t`ju drejtojë ky website.

Me regjistrimin në këtë faqe internet dhe përdorimin e saj, ju pranoni se shumica e komunikimit me ne do të jetë në rrugë elektronike. Në raste të caktuara ne mund t’ju kontaktojmë përmes emailit ose do t’ju ofrojmë informacione të ndryshme duke postuar njoftime në këtë faqe interneti. Me përdorimin e kësaj faqeje ju pranoni se në rastet kryerjes së porosive, stafi ynë ose palë të treta që mund të mbulojnë logjistikën, mund t`ju telefojnë apo dërgojnë mesazhe telefonike (SMS) në rast se do të nevojiten të jepen apo merren detaje mbi dorëzimin e porosive. Në rastet e nevojitjes së shërbimit të klientit, stafi i autorizuar prej SoftCrafter E-Commerce shpk, mund t`ju kontaktojnë për t`ju asistuar me problematikat që mund të hasni përgjatë përdorimit të uebsajtit apo kryerjes së porosive online. Preferohet që komunikimi i iniciuar nga ju për rastet e mësipërme, të bëhet përmes adresës së e-mailit: [email protected]. Cdo komunikim/ ankesë/ kërkim për informacion nga ana juaj, do të procesohet sa më parë nga stafi ynë.

Për qëllime kontraktuale, ju pranoni të përdorni këto mjete elektronike komunikimi për të marrë njoftime, informacione dhe realizuar komunikime të tjera. Ky parashikim nuk do të ndikojë në të drejtat tuaja ligjore.

Kjo kontratë është e detyrueshme për të dyja palët konform parashikimeve të Kodit Civil në fuqi. Ju nuk mund t`i transferoni të drejtat apo detyrimet e lindura nga kjo kontratë apo ligji, kur lidhen me përdorimin e shërbimeve të ofruara nga ne, pa marrë paraprakisht pëlqimin tonë me shkrim. Ne mund t`i transferojmë të drejtat dhe detyrimet e lindura nga kjo kontratë nëpërmjet nënkontratimit apo çdo forme tjetër, në çdo moment. Nëse ndodhemi në një situatë të tillë, të drejtat që ju gëzoni si konsumator dhe që mbrohen nga ligji, nuk do të cënohen.

Përvecse kur parashikohet ndryshe, ne nuk do të jemi përgjegjës për ndonjë mosrespektim ose vonesë në përmbushjen e ndonjë prej detyrimeve që marrim përsipër sipas kësaj Kontrate kur shkaktohet nga ngjarje që janë jashtë kontrollit tonë të arsyeshëm, pra që nuk mund të shmangen apo që e bëjnë objektivisht të pamundur ekzekutimin e kësaj kontrate (“Forca Madhore”). Kjo do të përfshijë çdo akt, ngjarje, dështim për të ushtruar, mosveprim ose aksident që është jashtë kontrollit tonë të arsyeshëm, duke përfshirë por pa u kufizuar në to:

1. Fatkeqësi apo katastrofa natyrore si tërmete, zjarr, stuhi, përmbytje, ngjarje meteorologjike ekstreme, epidemi, pandemi etj.
2. Protesta, grevë, bllokim ose forma të tjera bojkoti.
3. Luftë civile, revolta, sulm terrorist ose kërcënim terrorist, luftë (të shpallur apo jo) ose kërcënim apo përgatitje për luftë.
4. Pamundësia për të përdorur mjete transporti, publike ose private.
5. Pamundësia për të përdorur sistemet e telekomunikacionit publike ose private. vi. Aktet, dekretet, legjislacioni, rregulloret ose kufizimet e çdo qeverie apo autoriteti public etj.

Në një situatë të tillë, në rast se ne nuk gjejmë një zgjidhje për të ofruar shërbimet tona, detyrimet që rrjedhin nga zbatimi i Kontratës janë të pezulluara përgjatë kohëzgjatjes së Forcës Madhore, duke na zhveshur kështu nga përgjegjësia.

Brenda kornizave ligjore, ne kemi të drejtë ta rishikojmë dhe modifikojmë këto kushte dhe rregulla në çdo kohë, të cilat në disa raste mund të ndikojnë edhe në porositë e mëparshme, por të pa dorëzuara. Ju duhet të veproni konform rregullave në fuqi në momentin e përdorimit të faqes apo kryerjes së porosive. Nëse ndodhemi përpara dispozitave të tillë, ato do të zëvendësohen nga dispozita të tjera që i japin zgjidhje situatës.

Dispozitat e mësipërme janë të ndara. Nëse ndonjë parashikim i përcaktuar në këtë dokument shfuqizohet, shpallet i pavlefshëm apo bëhet i pazbatueshëm, kjo nuk cënon pjesën e mbetur të dokumentit, vlefshmëria ligjore e të cilit mbetet e njejtë.

Ky dokument paraqet marrëveshjen e plotë midis palëve. Ky dokument bazohet në legjislacionin Shqiptar dhe interpretimi, vlefshmëria apo përmbushja e të drejtave dhe detyrimeve që lindin nga zbatimi i dispozitave të mësipërme, bazohen në këtë legjislacion.

Çdo mosmarrëveshje e lindur në lidhje me intepretimin apo zbatimin e këtij dokumenti dhe që nuk mund të zgjidhet me mirëkuptim mes palëve, do jetë kompetencë e Gjykatës së Shkallës së Parë të Juridiksionit të Përgjithshëm Tiranë.